சிறப்பு தொகுப்புகள்

Thursday, April 10, 2014

பேரமைதி


கூடு நோக்கிப்
பறந்து சென்ற
பறவையொன்றின்
சிறகு ஒன்று
முறிந்து விட,
தடம்மாறி
ஒற்றைச் சிறகோடு
வெகுநேரம் போராடி
வலுக்குன்றி
பறவையது கீழே விழ,
காற்றில் அதன்
கால்தடங்களைத் தேடித்
திரிந்தலையும்
பறவைக்கூட்டங்கள்
அறிந்திருக்க வாய்ப்பில்லை -
அது வீழ்ந்த இடம் ஒரு
முதலையின் வாய் என்றும்;
அவைகளுக்கு முறிந்த சிறகு
மட்டுமே கிடைக்கக்கூடும் என்றும்;
வீழ்ந்த மறுகணமே
விழுங்கிவிட்டு
சலனமின்றி
உறங்கிக் கிடக்கும்
முதலையின் அமைதி -
அந்த மகாசமுத்திரத்தின்
பேரமைதி!


3 comments:

  1. சிறப்பான படைப்பு! வாழ்த்துக்கள்!

    ReplyDelete
  2. தொடர்ந்து என் படைப்புகளை வாசித்து ஊக்கமூட்டி வரும் நண்பர்கள் 'தளிர்' சுரேஷ் மற்றும் திண்டுக்கல் தனபாலன் இருவருக்கும் என் நன்றிச் செண்டு!!

    ReplyDelete