பேரமைதி
கூடு நோக்கிப்
பறந்து சென்ற
பறவையொன்றின்
சிறகு ஒன்று
முறிந்து விட,
தடம்மாறி
ஒற்றைச் சிறகோடு
வெகுநேரம் போராடி
வலுக்குன்றி
பறவையது கீழே விழ,
காற்றில் அதன்
கால்தடங்களைத் தேடித்
திரிந்தலையும்
பறவைக்கூட்டங்கள்
அறிந்திருக்க வாய்ப்பில்லை -
அது வீழ்ந்த இடம் ஒரு
முதலையின் வாய் என்றும்;
அவைகளுக்கு முறிந்த சிறகு
மட்டுமே கிடைக்கக்கூடும் என்றும்;
வீழ்ந்த மறுகணமே
விழுங்கிவிட்டு
சலனமின்றி
உறங்கிக் கிடக்கும்
முதலையின் அமைதி -
அந்த மகாசமுத்திரத்தின்
பேரமைதி!
சிறப்பான படைப்பு! வாழ்த்துக்கள்!
பதிலளிநீக்குஒப்பிட்டது சரி...
பதிலளிநீக்குதொடர்ந்து என் படைப்புகளை வாசித்து ஊக்கமூட்டி வரும் நண்பர்கள் 'தளிர்' சுரேஷ் மற்றும் திண்டுக்கல் தனபாலன் இருவருக்கும் என் நன்றிச் செண்டு!!
பதிலளிநீக்கு